MY BOSHUIS EN DIE LIEWEHNHEERSBESIE2022-02-18

MY BOSHUIS EN DIE LIEWEHNHEERSBESIE
2022-02-18

Wanner Liewenheersbesie by ’n mens se huis ingevlieg kom, sonder dat jy hom sien en hy kom sit op jou, dan moet jy weet dat daar ’n groot storie oppad is.

Dit is presies wat in my Boshuis met my gebeur het.

Goeie more, groet Liewenheersbesie my

Goeie more, sê ek en steek my wysvinger uit sodat sy moet opklim.

Sy klim op.

Dankie dat jy vir my kom kuier het, sê ek en kyk haar stip aan.

Ek het nie kom kuier nie, ek is hier om ’n boodskap vir jou te bring, sê sy en vlieg om my kom en kom sit weer op my vinger.

Wat bedoel jy? vra ek

Kom, dan wys ek jou, sê Liewenheersbesie en sy vlieg stadig by my voordeur uit.

Ek stap al agter haar aan. Dit was maklik 3 ure se stap.

Die drie ure het vir my soos ’n paar minute gevoel, want langs die pad kry Liewenheersbesie haar niggies en nefies en baie ander maats en ons stap speel-speel deur die bos.

Ek voel weer kind.

Na 3 ure se stap, kom daar nog honderde, duisende Liewenheersbesies by en hulle maak die mooiste rooi en swart sirkel om my. Hulle sing en dans.

Party van hulle kom sit op my hande en speel tussen my vingers.
Dis die mooiste mooi.
Ek lag uit my maag uit.

Die een Liewenheersbesie kom sit op my skouer en sê:

Hierdie is die kind van die bos. Die kind-se-hart.

Wat bedoel jy? vra ek

Hier word almal weer kind. Dis ons geheime plekkie in die bos. As jy ooit al die dinge van die wêreld wil afgooi, kom hierheen. Die kind in jou word hier wakker gemaak.

Ek verstaan.

Later toe speel ek saam met die Liewenheersbesies. Duisende kom sit op my, tel my op en vlieg met my in sirkels al om die bome tot tussen die fynste blare van boomtoppe.

Meteens word alles stil.

Vanuit die hemel, tussen die bome deur, kom daar die grootste, blinkste kristal wat ek nog in my lewe gesien het. Hy kom land voor my.
Daar is ’n deur in die kristal.

Die deur gaan oop en ek stap in.

Toe ek in die kristal staan, gaan die deur toe en die kristal styg weer op, tot ver bokant die bos. Tot ver bokant die horison.

Die son skyn deur die kristal en die hele wêreld word vol van die mooiste, helderste lig.

Dis so mooi.

Later daardie aand toe ek in my bed lê, vra ek vir Grootboom wat voor my huis staan:

Vandag was so mooi. Wat is die boodskap?

Boom skud sy blare, ’n uil vlieg uit die boom en kom sit op my vensterbank.

“Word weer kind, suiwer onskuldige kind, en skud die dinge van die wêreld af. Dan sal jy hoog vlieg” antwoord uil, knipoog en vlieg weg.

-stanley cierenberg-

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Start a Blog at WordPress.com.

Up ↑

%d bloggers like this: