DIE VROU IN HAAR REPTILE-SKIN BAAIKOSTUUM

(Desember 2019, vir die vrou op die strand)

__________________________________________________________________________________

Tussen die sandhopies op die

spierwit strand lê die vrou

in haar “reptile-skin” baaikostuum

en ballanseer haarself mooi op

‘n gekleurde handdoek wat ‘n

mens kan opkikker in die vaal dae.

Daai “reptile-skin” maak ook maar

net die nodigste toe vir ‘n dwalende oog,

maar so is dit maar, daai is vakansie.

Die vrou woel eers van die bo-kant

af, dan wikkel die middellyf, dan kom die bene

en ballanseer haarself op die handdoekie

(reg vir lekker-lê)

Sy laat my dink aan ‘n sywurm op haar

hartjie-kortonnetjie wat met ‘n koppie

speld vasgesteek is, om later ‘n goudgeel

boekmerkie vir die Grootboek te spin.

Soos die vrou wikkel en sukkel om op

die handdoekie te bly, span die

“reptile-skin” stywer om sekere gedeeltes,

want sy is rond, volrond, gesondrond,

maar sy smaail , spin met liefde die boekmerkie

vir die Grootboek, en sê vir die wat agter

handpalms en handdoeke giggel:

“Kyk ma’, ja, Kyk, maar ek worrie nie

want MY spin word ‘n boekmerkie

in die Groot Boek waar dit sê:

“Moenie worry, nee, Moenie worry

alles sal orraait wees”