GEBEENTES

{Gemeentes}

Soos afgeslagte vlermuise hang die bees-karakasse

in rye by die slagpale om uitgesoek te word,

sommige Prima, ander minder prima sommige niks

Soos ‘n boom wat afgekap word en grond to donder,

val die bont koei wat in ‘n staalhok geskiet word en uitrol

tot op die koue vloer van nog ‘n slagoord

Soos ‘n skaap se kop wat afgesny word en uitbloei

totdat die bloed in ‘n stroom afloop, tot binne in

die ganse se hok…

Een gans trap in die bloed en bevlek die ander gans

se spierwit donsvere….

Ek is die karkas

Ek is die skaap

Ek is die gans