‘n GEDIG SONNER NAAM

“uitgespaar deur die genade van Bo”

antwoord ek toe sy verneem hoe dit gaan.

“Wat mooi is” sê sy en smaail.

“Die mis trek dig oor die baai” sê sy

en mik slaphand seekant toe.

“gaan weg, mis” skreeu ek

“Nee, man moenie soor oor die vlak gaai”

“die mis maak my bang”

“Jaag die bang weg”

Ek vra ‘n koppie tee, uit haar hand uit.

Sy gee dit vir my uit haar hart uit.

“Die Roltoes het in die stofpad gevloek” sê ek

“Daai is slegte nuus, maar die Jirre Jesus sal

ons deurdra.”

“Hoor jy, Roltoes, die Jirre Jesus sal ons deurdra!” skreeu ek

“Kijd, viwat gaai jy so? Mens gaai nie vir Roltoes nie”

“Ek verwiller hom”

Ek staan in die deurkosyn en stut my skouer teen die plank.

“Viwat staat jy soos ‘n Kommagas-donkie en gluur vir die see”

“Die see is ‘n lyf vol sout, ma”

“Kom kry jou brou” sê sy

Ek gaan sit langs die eenvoudige tafel in die kombuis.

Dit ruik na rooibos tee en vicks….

En nog iets…nog iets…