STEEKS-HARDNEKKIG-KOPPIG

STEEKS-HARDNEKKIG-KOPPIG

Stanley cierenberg

 

 

Die spekbos staan spierwit in blom

Langsaan rus die lammertjies

Mofskapies, spierwit-pikswart koppies

anderkant staan die plaasdam blink

in die son en droom van die windpomp

se blêr-skarnier wanneer die wind opsteek.

Wit-dikmelkwolkies in die lug voorspel reën

en die mof-lammertjies bler hardop:

“Here, seën die dorre grond met U reën”

 

Die kaalgat-perske-boom blom ligpienk

Ons twee rustig-lui onder hom

Piekniek vir twee, koffie fles en kaas.

Die ligpienk blomme fladder neer,

Soos konfettie tydens ons bruilof,

en die Grys Ringnekkies koer die troumars

deur die takke en blare van kaalgat-perskes

 

toe val die reën om die aarde te seën.

Die moflammertjies kom loer by ons ‘pienk-niek’ in

en die windpomp se blêr-skarnier sing (of is dit fluit?)

 

ek rus my kop op jou skoot en jy lees uit

Elliot en Leipold.

Jy neurie dat die voëltjies gaan koring sny

Elliot en Leipold

Langenhoven en Breytenbach.

Reine de Beer en die aandlied.

 

Maak my wakker wanneer dit alles verby is

Ek is moeg om die lewe as ‘n droom te leef

Asseblief, maak my wakker

Ek is moeg om tussen-in te leef.

Sy weier, hardnekkig, koppig en steeks.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Blog at WordPress.com.

Up ↑

%d bloggers like this: