Die dag toe sy voete afgekap is…,
Die dag toe sy bene afgesit word…,
Die dag toe sy hande afgesny word
en sy vingers een vir een afbreek…
van duimpie tot sy maak…Langeraat tot piepie-in-die-kooi
Die jaar toe sy vel afgekerf is – soos ‘n geslagte dier
En sy ribbes een vir een breek,
sy borskas word ‘n leë grot.
Die aand toe sy tong uitgesny is
en sy wange induik van pyn
die nag toe die bang my kom haal het
Die vroeg-oggend-voor-sonop, toe sy hart uitgepluk is
En my anker word weggeruk sodat die storm-see my vat en wegslinger…
Toe word JY sy voete, sy bene, sy arm, sy vingers en sy hart.
Vandag is jou hart aan myne vasgeknoop – want ek is jou ewig dankbaar….
Vir altyd en altyd….
“Vir Boeta Cierenberg”
breinsuiker 
Sjoe!
LikeLiked by 1 person