HAAT

Jy is die grond-sinkplaat-pad

Wat die vreugde en geluk uit my tap

Jy is die rooigrond pad se gly

Wat vreugde van menswees uit my sny

Jy is die byevanger – voëltjie se soet

Wat die seer-haat in my weer terug roep

Jy is die wrede liegbek laksman

Wat my bene en hart vir altyd verlam

Jy is die heilige, brakende filantroop

Wat die laaste bietjie vertroue uit my stroop

Jy is die ontploffende petrol-vuur

Wat dink jy is ʼn harde-kool-bosveldvuur

Jy het my gebrand

Jy het my uitgebrand

Jy het my aangerand

Scatter the ashes…