DIE FAKKEL
Die fakkel en die skadus
lei my waar dit nie donker
en te moeilik is om te sien nie.
hoe kan die fakkel my help as
ek nie weet wat ek soek nie
hoe kan enige iemand my vry maak?
Sou sy op die water vir my geloop het
as sy nie kon wegloop nie?
en sou sy die fakkel vir my gedra het?
Vir my?
En wat as ek die sleutel vir jou gegee het
na die deur van jou drome
sal dit die gange van jou begeertes lig gee
waar dit
nie te donker is nie, waar dit nie te
moeilik is om te sien nie…?
Wat is die nut dan vir enige vuur?
Sou sy die fakkel vir my gedra het?
Sou sy die fakkel vir my gedra het?
‘n gedig vir haar wat ‘n fakkel begeer het
En tot op die einde nie een kon kry nie, en
Toe maar in die donker gaan le het, tot op
Die laaste.
breinsuiker 
Leave a Reply