LENTE

dit is’n mooi dag
die seison word groen
en hier en daar ’n blom
om rooi te bot

vroegoggend val die dou
en maak blink knoppies
op kappertjie blaar en
soet-jasmyn knoop weg die pyn

Dou, knoop my vas aan jou
en kleur my in met
jou reënboog wat laag
oor die horison krul

net soos ’n konings-kroon
met robyne, diemante en pure blink.
Ek verlang na jou, my reënboog,
jy sit tog iewers op ’n ster

en waai vir my met
jou blink-blink glimlag.
Jy fluit vir my en ek
sien jou agter ’n kruis

want gister is nou verby
en die lente lê diep
in die lug, tussen wilger-
en sering boom.

Kom kleur my in
Kom kleur my in
Kom kleur my in
asseblief

my dou-druppel
my reënboog
my kappertjie
my kruis.