INKLEUR-PRENTJIE

 

MY INKLEUR PRENTJIE

                Stanley cierenberg

Ek het vir jou ‘n prentjie geteken,

sommer so eenvoudig en plein,

soos ‘n hoendertjie wat skrop-skrop-stap

soos ‘n spierwit tafeldoek sonder fieterjasies,

of  ‘n kantgordyn wat tong uitsteek by ‘n halfoop venster

Ek het vir jou ‘n eenvoudige prentjie gemaak,

geteken met ‘n stomp potlood,

sonder kleur, sonder onnodig.

kompleet soos ‘n dofwit maan teen

‘n donkerswart hemel,

Maar al wat ek vra, kom kleur my prentjie in

Asseblief.