DOOD VAN ’N GELIEFDE
vroeg in September
skryf ek vir jou ’n versie
en onder in die emmer
brand my talent soos
’n verjaarsdag kersie
later in september
bak ek vir jou
outydse kleinkoekies
met baie gemmer en
klein bietjie outyds-liefde
jy spook saans in my
bedags sit ons in die tuin
tussen druiwe en pruim
bome want ek
wag vir jou
jy het toe vir altyd verdwyn
daardie jaar toe jy
verjaar en daar
was niemand vir wie ek
kon sing:
Lekker verjaar, lekker verjaar
want my versie en
my opgemaakte liedjie,
outydse gemmerkoekies
betekend nou niks
my talent iewers in ’n hoekie
dis waar.
breinsuiker 
Leave a Reply