SPEEL

slap lê ek op my rug
in die sement-plaasdam
dryf slap en staar
na die spierwit
wolke wat soos
marshmellows in die lug hang

die windpomp gooi
die boorgat water lui-gat
by die dam in en die
ritme kerf stukkies
lekkerkry uit my lyf uit

tot wanneer ek stadig
oplig tot bo in die hemel
en die wit marshmellow
wolke soen.

ons moet weer kind word
en speel totdat die son opkom
totdat die stof vuur-rooi-warn
op die horison gaan lê
met sonsak,
\ons moet weer speel.

uitgesrek lê ek op die
bont-kleur ronde skoppelmaai
in die parkie op die hoek
van kerk- en spanspek
straat.

om en om tol ek en
staar na die wolke
wat slap oor die hemel
hang en saggies lig
ek my kop om een te soen
totdat die reëndruppels
plasse op my
lyf maak totdat
die son more weer
gaan skyn

ek lag my stem hees
toe ’n naaldekoker
blinkvlerk op my maag
met sy vlerkies balanseer
en skielik wegfladder
toe ek beweeg
om nog ’n stukkie
wolk te soen.

koebaai son
koebaai dam
koebaai skoppelmaai
koebaai

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Blog at WordPress.com.

Up ↑

%d bloggers like this: