Breek die stilte van
jare se seerkry en pyn
Hou vas aan vandag…en nou.
Klou vas aan gedagtes van onthou
Speel met die skadu’s teen die muur
en hou jou ysters in die gloeiende vuur.
Maak van my ‘n sirkus dier
staar vas teen jou kamermuur
Totdat jy skreeu
Totdat jy huil
Totdat jy weet
Totdat jy vergeet.
Die stem in my se, ek het jou lief
Jou soet woorde was soos ‘n sluipende dief
Jou sagte kyk het my honger hart gesteel
Dalk het jy net met my siel gespeel…
Sit af die ligte van onthou
kruip weg in die vroeg-oggend-dou
Sit af die ligte van vergeet
kruip weg in die skadu van lief en leed
Want, ek het jou lief..ek HET jou lief.
breinsuiker 
Leave a Reply